قال النجم حمادة هلال، إن أول أغنية غناها فى حياته، كان يبلغ من العمر 9 سنوات فى فرح شعبى.
وروى، خلال لقائه فى برنامج “صاحبة السعادة”، والذى تقدمه النجمة إسعاد يونس، على قناة “dmc” الفضائية، قصة مراقبة والده له، قائلا : “مكنش فى بالى قصة الغناء خالص، وطول الوقت كنت بغنى مع نفسى اللى خد باله من صوتى خالى وقالى أنت هتبقى حاجة قدام”.
أضاف حمادة هلال: “أول مرة غنيت فى فرح شعبى وأنا عندى 9 سنين وغنيت أكتر من 15 مرة فى الفرح لأن صوتى عجبهم، ومحمد الخواجة ده رجل بلطجى كان بيأخدنى فى الأفراح معاه، وكنت بنزل من وراء أهلى معاه لحد ما تعرفت فى المنطقة إنى ابنه ويوم ما نزلت معاه وبابا نزل ورايا وقعد يراقبنى ولما طلعت الفرح وده يقول انى ابنه طلع بابا على المسرح وقال ده ابنى أنا”.
وتابع: “روحت البيت، وشوفت الحزن فى عين بابا قلتله خلاص هوقف قالى هنلف على منتجين ونزلنا كان المنتجين يكسرونى كسره مش هنساها ويقوله صوته هيتغير لما يكبر، وخدت القرار إنى هوقف، لحد ما قبلت حميد الشاعرى وخدنى لـ طارق عبد الله شوفت ملاك من السما وساعدنى كتير أوى وعملت أغنيتين وبعد كده ألبوم الأيام ثم غنى حمادة أغنية الأيام”.
ويخوض النجم حمادة هلال السباق الرمضانى المقبل 2021 بمسلسل جديد يحمل اسم “المداح” من تأليف أمين جمال، وإخراج أحمد سمير فرج، وانضم مؤخرا للمسلسل الفنانة دنيا عبدالعزيز والفنان خالد سرحان.