نجل الفنان زهير محمد رشيد يناشد السوداني ويؤكد ” الموضوع مو استجداء”

اطلق الاعلامي عمار زهير محمد رشيد مناشدة الى رئيس الوزراء محمد شياع السوداني وكافة الجهات المسؤولة عن واقع الفن والفنانين في العراق .
وجاء في المناشدة التي رصدها موقعنا “تصدقون وتأمنون بالله الوالد صارله ٤١ سنة بالفن العراقي بمجال التمثيل و لليوم راتب تقاعد ما عنده تصدقون الوالد صارله 41 سنه يخدم بلده العراق و متر ما عنده بالعراق ملك يعني جبناها ايجار بأيجار لان مع الاسف وضع الفنان العراقي من سيء الي اسوء مع العلم كلمة حق تقال النقيب الحالي دكتور جبار جودي كعد يشتغل بكل امكانياته ان يرجع الفنان العراقي هيبته اللي مع الاسف فقدها بسبب المسؤولين عن الفن في العراق, واللي يضحكني لجنة الثقافة في مجلس النواب العراقي زعلت من تصريح للدكتور جبار جودي بس ما زعلت من تشوف فنانين خدمو العراق على مدار السنين و راتب تقاعدي ما عدهم زین شوکت رح يهتز الضمير تجاه الممثل العراقي اللي لا حول ولا قوه اله لا راتب ولا سكن ولا شغل إلا من السنة للسنة على موسم رمضان مع الاسف والله مع الأسف هيج وصل الحال,
الموضوع مو استجداء بس هذا حق ولازم كل شخص بهذا البلد ياخذ حقه.