أكدت الفنانة علا غانم خلال حوارها في برنامج “الردايو بيضحك” أنه لم يكن هناك أي خلافات بين نجمات الفيلم، ولكن ظهرت بعض الخلافات على جروب الواتس آب بسبب الاختلافات في وجهات النظر، وأكدت أن الفنانة بسمة هي من كانت تهدئ هذه الخلافات وتحلها دائمًا.
وقالت الفنان علا غانم: “الدنيا كانت هادية في الكواليس خصوصا أننا بنعرف بعض من سنين، في كيميا ما بينا وبنسترجع ذكريات 18 سنة وقد إيه كان في فرق في تفكيرنا، وإحنا كبرنا 18 سنة ودا مخلينا نتخطى حاجات صغيرة كان ممكن توقفنا، عندنا استيعاب للأمور أكتر”.
وعن دور الفنانة بسمة في تهدئة الخلافات قالت الفنانة علا غانم: “بسمة مش حمامة سلام في الفيلم بس هي كانت حمامة سلام في جروب الواتساب كمان، كنا ساعات نختلف في الآراء بعد انتهاء الفيلم هي هادية وطول الوقت بتهدينا، ياريت لو في كتير من بسمة في مصر الدنيا هتتغير”.
وعن تواجد الفنانة بشرى في الفيلم كممثلة ومنتجة في نفس الوقت قالت الفنانة علا غانم: “أنا بنسى أن بشرى منتجة، بشرى زميلة قبل ما تكون تبع الإنتاج، هي شخصية طول الوقت بتضحك وبتغني”.